PUC-ah Nauban Huan an siam

Pachhunga University College (PUC) chuan, an campus-ah 'Nauban Huan' an din thar a, nimih khan chief secretary Lalmalsawma'n a hawng.

PUC-a Nauban Huan din thar hi World Envi­ronment Day, June 5 denchhena siam a ni a, a bul ṭan nan 'One teacher, One orchid' thupuia neiin zirtirtu zawng zawngin naubán an thawh vek a; PUC-a department tinin nauban an khawi bawk.

Nauban Huan hawnna inkhawm hi PUC Seminar Hall-ah neih a ni a; chief secretary Lalmalsawma chuan, tunlaiah chuan class room zirna chauh ni loin, zirlaite a taka hman a pawimawh tawh thu a sawi.

PUC principal Dr Tawnenga chuan, nauban chu pangpar mawi tak, nun tihlim theitu a nih thu sawiin, Nauban Huan an siam chu zirlaite leh mipui tan tlawh manhla tak a la nih theih a beisei thu a sawi a; Huan enkawl zuitu tur, Nauban Huan Committee an din thu a sawi bawk.

PUC campus-ah hian ram acre 700 vela zau an nei a, chutah chuan ramngaw ṭha tak awmin, nungcha chi hrang hrang an awm a ni.