PMEGP Exhibition buatsaih

KVIC leh Ministry of Micro, Small and Medium Enterprises (MSME)-te bultumin, nimin khan Assembly Annexe building-ah state level Prime Minister’s Employment Generation Programme (PMEGP) Exhibition buatsaih a ni a, Assembly deputy speaker R Lalrinawma'n a hmanpui.

R Lalrinawma chuan, Mizoram chu state kilkhawr a nih avang leh inkalpawhna a la ṭhat tawk loh avangin industry lian tham a la awm thei lo tih a sawi a, "Tun dinhmunah chuan industry tê zawk (micro, small and medium enterprise)-te chawi len chu hna hmasa a neih a ṭul rih," a ti.

KVI Board chairman K Lianzuala chuan PMEGP hnuaia Mizoram KVIB hmalaknate a sawifiah.

Exhibition hi June 10 thleng neih tura ruahman a ni a, thil siam chhuah hrang hrang zawrhna dawr 34 hawn a ni.