PUC-in NAAC grade A+ a hmu

India rama zirna-in sangte endiktu, National Assessment and Accreditation Council (NAAC) chuan Pachhunga University College (PUC) chu accreditation grade A+ an pe a, Mizorama college zingah grade hmu sang ber a ni.

NAAC Peer Team chuan July 20-21, 2022 chhung khan PUC an endik a, an endikna aṭangin Cumulative Grade Point Average (CGPA) 3.37 an pe. India hmarchhak biala college zingah A+ hmu college pahnih an awm a, college pahnih zingah chuan PUC hian CGPA hmu sang zawkin, hmarchhak biala college zingah NAAC tehnaa sang ber a ni mek.

PUC hian kum 2016 khan NAAC grade A+ a lo hmu tawh a, tun ṭumah hian A+ tho hmu leh mah se, CGPA pek zat erawh a hma aiin a sang zawk a ni.