GST inhrilhriatna hun buatsaih

Taxation department leh Central Excise and Service, Shillong ṭangkawp chuan nimin khan Lunglei Convention Centre-ah Goods and Services Tax (GST) chungchang inzirtirna hun an buatsaih.

Inkhawmah hian Central Excise and Service Tax, Shillong Division-a deputy commissioner Lalhmingmawia Ralte-in GST chu July 1, 2017-ah India ram pumah hman ṭan tur a nih thu a sawi a, "Kum khata cheng nuai 10 leh a chung lam bungrua emaw thâ (service) lei chhuakte leh Mizoram páwn aṭanga hralh tura bungrua la luttute chu GST hnuaia an in register a, Permanent Account Number (PAN) card an neih vek a ngai dawn," a ti.

Lalhmingmawia Ralte sawi danin, GST hnuaiah online veka thil tih a nih dawn avangin, sumdawngte’n account emaw, books of account emaw felfai taka an vawn a ngai dawn a ni.

Taxation department-a assistant commissioner pahnih - Lalṭhachianga leh SK Lalhawngliana te pawhin GST hman a nih huna thil hriat tur pawi­mawh hrang hrangte an sawi bawk.