MNF returnee-te thu thlen thlirho

India leh MNF-te'n remna thuthlung an siam ennawn tura Mizoram sorkarin a din, Peace Accord Review Committee chu Thawhṭanni khan chief minister Lal Thanhawla hoin a pisaah an ṭhukhawm a, Peace Accord MNF Returnee Association (PAMRA)-te thu thlen an thlirho.

PAMRA hian Mizoram sorkarah thil pali a ngen a; chungte chu - re-turnee-te zinga chenna nghet la nei lote an chenna hmun ṭheuhah in hmun an neih nan hma laksak te, mi 13 hna la nei lote tan special scheme siamsak tur te, remna vanga kîr thi tawh chhungte, hmeithai chhungkua family pension chauh late'n eizawnna ngêlnghet an neih theihna atan compassionate ground-a hna pekte leh, pension hnua an chhungkaw member an thiamna leh an pate sorkara hnathawh milin One Time Compassionate Ground-a thunte a ni.

Ex-gratia chung-changah, rambuai chhunga nunna chán te, remna thuthlung anga zangna-dawmna an dawn chu PAMRA chuan beitham an ti a; sorkar laipuiah zangnadawmna an hmuh leh theih nan hma laksak turin Review Committee chu an ngen a ni.

Committee-ah hian Chief Minister chu chairman a ni a, vice chairman chu Home Minister niin, member secretary chu Lalrinmawia Ralte, MLA a ni. Committee member-te chu - Social Welfare Minister, Chief Secretary leh R Zamawia (returnee)-te an ni a; anni bakah hian invitee pathum - MC Vanlalkima, Lalṭhenlova leh Col. Lal-rawnliana te an awm.