FCI kudam bula truck dinna tur ruahman

Traffic SP C Lalthanmawia chuan hriattirna chhuahin, Tanhrila FCI Kudam leh a chhehvel kawngpui dunga truck-te din phalna hmunte a tarlang. Hriattirna hi June 12, 2017-a hman ṭan tur a ni.

Traffic SP hriattirnaah hian Aizawl Municipal Corporation hotu te, FCSCA department hotu te, Tanhril, Tuivamit leh Luang-mual khawtlang hruaitute leh Mizoram University zirlai hruaitute nena an sawiho hnua hriattirna chhuah a nih thu a tarlang.

Traffic SP-in truck dinna tur a rua-hman hmun 13-ah hian truck 34 an ding thei dawn a ni.

Truck dinna hmun turte
1. Rintea huan péng aṭangin hmar lamah electric ban pathumna thleng (truck paruk a leng)
2. Rosanga kawmthlang zawn aṭanga electric ban thleng (truck pahnih a leng)
3. Rosanga in bul kawng kual thlen hmaah (truck pathum a leng)
4. Vety Farm main gate chhim lam thirban aṭanga chhim lamah (truck pahnih a leng)
5. Vety Farm main gate hmar lam tui pump aṭanga hmar lamah (truck pakhat a leng)
6. Salvation Army, Tuivamit corp aṭanga PGCI gate thleng (truck pathum a leng)
7. Lalhmangaiha Sailo in panna pêng aṭanga kawng chhak lam PHE tui pump-na thleng (truck pathum a leng)
8. Geology & Minieral Resources site office bul Thanseia in leh JC Lalpianga in opposite inkar (truck pahnih a leng)
9. AMC solar light ban aṭanga chhim lamah thirban thleng (truck panga a leng)
10. Ng.Kapliana in opposite aṭanga chhimlam kawng kual zau lai (truck pahnih a leng)
11. Tuivamit Power Complex chhak aṭanga Lenhmui kung thleng (truck pakhat a leng)
12. Lalthanga in chhimlam thirban aṭangin (truck pakhat a leng)
13. Rama kawmthlang thirban leh thirban inkar (truck pathum a leng)