KHAWTHLIR

Special drive
Nimin khan kum 18-21 inkarte electoral roll-a thun luh rûnpui neih tur, Special Drive chung-chang inhrilhfiahna hun Serchhip DC pisa conference room-ah neih a ni a, ERO, AERO leh DEO-te telin, Serchhip DC Sangchhin Chinzah-in a hmanpui. Nimin vek khan Champhaiah pawh Special Drive atan hian DC conference hall-ah training buatsaih a ni a, an hun hmanpuitu Champhai DC Vanlal-ngaihsak chuan, "Drive hi hlawhtling taka kalpui a nih theih nan a mawhphurtu officer-te an pawimawh," a ti.

GST hrilhfiah
Taxation department chuan nimin khan Taxation-a Aizawl Central Zone huam chhunga sumdawnna chi hrang hrang khawihtute pualin Lal Thanhawla Auditorium-ah Goods and Service Tax (GST) zirhona an buatsaih. Taxation assistant commissioner David Lalchhuanawma, superintendent pathum - Lalzarzova, Lalruatpuia leh Hrangthanmawia ten GST kalpuinaa hriat tur pawimawhte an sawifiah a ni.

Lawngtlaiah training
Lawngtlai district chhunga accredited social health activist (ASHA), health worker leh anganwadi worker-te tan nimin khan kawṭhalo do beihpui thlakna, Intensified Diarrhoea Control Fortnight lo awm tura hmalak dan tur zirna buatsaih a ni.

CM Relief Fund
Chief Minister's Relief Fund-ah Mizoram Cooperative Service Association-in Rs. 20,000 an chhung lut a, Neihloh V/C leh Congress unit ten Rs. 10,000 an chhung lut bawk.

In kalhsak
Lunglei Ramthar Veng khawtlang chuan an venga zu zuar ṭhin Lalmuankimi in chu June 6, Thawhlehni khan an kalhsak. Thu dawn danin, Lalmuankimi in an kalhsak hma hian kawtlaiah inkhawm tawi buatsaih niin, V/C member F Lalzawmliana'n a kaihruai a; Lalmuankimi chu vawi tam tak zu zuar lo turin an hriattir a, bond-te pawh an ziahtir a; mahse, a sim duh loh avangin in an kalhsak ta niin an sawi.