Treasury-in sum pe chhuak lo zel

Mizorama treasury lian pahnih, Aizawl South leh Aizawl North treasury-te chuan Mizoram sorkar sum dinhmun a harsat avangin pawisa an la pe chhuak lo chhunzawm zel.

Vanglaini thu dawn danin, sorkar laipuiin state-te sum dinhmun a ṭhat loha pawisa pûkna tura an duan hmanga Mizoram sorkarin Reserve Bank of India (RBI)-a sum a pûk mek chu August 4, 2022 thleng rulh theih a ni a; hemi chhunga rulh a nih loh chuan treasury-te khâr a ngai dawn.

Treasury-te hian hun eng emaw chen ni khata sum pek chhuah theih zat (ceiling) an nei mumal tawh lo a, Finance department-in pe chhuak tura a tihte chauh an pe chhuak ṭhin.

Sum dinhmun a ṭhat loh zel avangin treasury-te chuan July 22, 2022 thleng khan sum an la pe chhuak a, July 25, 2022 aṭangin sum an pe chhuak tawh lo a, sorkar pisa kài ní-ah ni thum chhung sum an pe chhuak tawh lo a ni.