Ruihhlo ṭhat lohzia inzirtir

Mizoram Social Defence & Rehabilitation Board, Social Welfare & Tribal Affairs department leh National Institute of Social Defence, Ministry of Social justice & Empo­werment-te chuan nimin khan Aizawl North College-ah ni khat awh ruihhlo laka invên dan zirna, 'Awareness Prog­ramme on Drug Abuse Prevention’ an buatsaih.

Awareness prog­ramme-ah hian ruihhlo chungchanga Mizoram dinhmun leh ruihhlo hmelhriat tawh dante zirlaite a lem nen hrilhfiah a ni a; ruihhlo hman sual hrang hrangte a ṭhen hran dan chungchang, miin ruihhlo ngawl an vei dan leh ruihhlo ngaih chu thluak natna a nih dante zirtir a ni bawk.

Inkhawma tel zirlaite chu ruihhlo ti chhin lo turin an intiam nghal a ni.