Minister-in ṬBCC harsatna a bawhzui

Power & Electricity minister R Lalzirliana chuan Central YMA-in an ngen angin nimin khan Ṭawngṭai Bethel Camping Centre (ṬBCC) a tlawh a, kawlphethaa harsatna an tawh chungchang leh harsatna sutkian dan tur a bawhzui. Nimin vek khan electric connection pek leh nghal a ni.

Minister R Lalzirliana chuan, electric bill pek theih loh vanga ṬBCC electric connection tihtàwp chungchang chu CYMA hruaitute nen an sawiho tawh thu a sawi. Electric bill bá rulhna turin amah leh minister Dr K Beichhua ten pawisa an thawh

Rs 5,00,000 chu ṬBCC hotute hnenah hlànin, electric connection tihtawp tawh chu tinung leh nghal turin department hotute a hriattir nghal tih sorkar thuchhuah chuan a tarlang.

R Lalzirliana chuan, electric bill pek theih loh a awm tawh lohna turin ṬBCC connection leh load awm dante chu PE department-in an enfiah tur thu a sawi a; department thawktute chu thawhpui thiam turin ṬBCC hotute a chah bawk.