Gas man bithliah thar

Food, Civil Supplies & Consumer Affairs chuan thuchhuah siamin, June 1, 2017-a Indian Oil Corporation (IOC)-in eirawngbawlna gas man a bithliah thar angin, Mizoramah pawh gas man bithliah thar a nih thu a tarlang.

Gas man tharah chuan, Vairengte tih loh khaw dang zawnga gas distributor-ah domestic gas bûr khat man Rs. 695 a ni a, chuta ṭanga subsidy tur chu Rs. 222.34 a ni. Vairengteah chuan gas bûr khat man Rs. Rs. 681 niin, subsidy zat chu Rs. 222.34 a ni.

Gas chu home deli­very-a hralh a nih chuan rate bituk bakah Rs. 7.53 belh tur a ni a, showroom-a hralh a nih chuan rate bituk aṭangin Rs. 18 paih tur a ni thung.