Zangnadawmna pek phûtute'n Lawngtlaia PWD pisa an khâr

Lawngtlai District Land Owners Association (LDLOA) chuan, Kala­dan Multi Modal Transit Transport Project (KMMTTP) kawngpui siam­naa an ram sorkarin a laksakah tun thlenga zangna dawmna tihfel a la nih loh vanga lungawi lohna lantir nan Lawngtlaia PWD Division Office (Multi Modal Project Divi­sion-I) chu June 7, Nilaini aṭang khan an khârsak.

LDLOA hian KMMTTP kawng siam hna thawktu company pahnih - RDS leh ARSS-a thawkte pisa kai tur pawh nimin aṭang khan an dang ṭan nia thu dawn a ni.

LDLOA president H Remmawia sawi danin, KMMTTP kawng siamnaa an ram sorkarin a lakah, Compensation Supplementary Award chu Lawngtlai Bawrhsap, District Collector ni bawkin PWD Division-a executive engineer chu sum pek tur awm ang ang May 8, 2017 ral hmaa dah turin thu a pe a ni. Mahse, tun thlengin sum pek tur tihfel a la nih loh avangin PWD pisa chu an kalhsak ta niin a sawi.

Ram neitu pawlte hi June 3, 2017 khan an ṭhu­­khawm a; tun thlenga zang­nadawmna tihfelsak an la nih loh avangin KMMTTP kawng siam hna thawktu company pahnih - RDS leh ARSS-te pawh hna an thawh chhunzawm an remti dawn lo tih an hrilh tawh bawk a; nimin aṭang khan kawng siamtu company-te office kai tur pawh an dang ṭan a ni.