A ni lo lama sum hmangah sorkar puh

MNF president Zo­ram­thanga chuan, Cong­ress kaihhruai sorkarin sum a ngah a, sumte chu a ni lo lamah, nawmchen nan an hmang nasa nia sawiin, chu chu mipuiin nasa takin an tuar niin a sawi.

Nimina Tuivawl North Block MNF Confe­rence, Sakawrdai commu­nity hall-a neihah thu sawiin Zoramthanga chuan, Congress kaih­hruai sorkar hnuaia dan leh thupekin awmzia a nei lo niin a sawi a, "Kawngpuite enkawltu mumal nei loin a awm a, development a châwl a, khawpui leh thingtlanga mipuite'n sorkar ṭha lo kan hrawn a ni," a ti.

Zoramthanga chuan, "Congress ṭhat loh­zia mi­puiin kan hriat chian lehzual theih nan Pa­thian­in term hnih a sorkartir a, Kohhran leh a rawngbawltute an zahpah lohzia mipuiin kan hre tawh a ni," a ti a; Congress party chu an sorkar rei tulh tulh a, an inpal hnawk tulh tulh a, pawisak an neih lohzia mipuiin an hre chiang ta hle niin a sawi.

MNF thuchhuah chuan, conference-ah hian Tuivawl North Block chhung khaw hrang hrang aṭangin party hrang hranga voter 319-te Zoram­­thanga'n MNF-ah a lawm lut niin a tarlang.