KHAWTHLIR

CYMA-in gas an man
Central YMA-a Kumpuan duty-te chuan June 6, 2017 tlai dar 5 vel khan New Market, Aizawlah eirawngbawlna gas a black-a hralh tur bûr 13 an man. Gas neitu nia insawi Sambhu Sahni s/o Faguri Sahni (sponsore-tu Ramdinpuia Chhinga Veng), Harendra Sahhi s/o Rameshwer Sahni (sponsor-tu Lalrindiki, Tuikual North) leh Anil Sahni s/o Nathu Sahni (sponsor-tu Lalrindiki, Tuikual North)-te an man bawk.

BEDC man
Champhaia Excise & Nracotics department chuan nimin zing dar 2 khan Champhai Zotlang-ah rakzu siamna atana pawlh ṭhin BEDC (Ayet Si) fûn 1,600 (litre 1,120) an man a, an phurhna lir-thei, Bolero MZ-04 9666 an man tel bawk. BEDC neitu an chhui mek a ni. Excise & Narcotics dept. tarlan danin, BEDC hi rakzuah pawlhin a let tam takin a tipung a, a inte taksa nasa takin a ti khaw lo thei.

Hlawhtlinna lawm
St. Joseph’s Higher Secondary School nimin khan hlawhtlinna hrang hrang an chante Vanapa Hall-ah an lawm a, Governor Lt. Gen. Nirbhay Sharma-a'n a hmanpui. Larsap chuan, Mizoram chu ziak leh chhiar thiam (literacy rate) awm tamna state a ni chunga eizawn-na ngêlnghet nei lo mi tam tak an awm chu veiawm a tih thu a sawi.

Heroin man
Central YMA hnuaia SRS duty-te chuan June 6, 2017 tlai khan heroin hawng 2 leh a neitu nia rin an man a; Spasorid Poxivon mûm 10 an man bawk. CYMA-in SRS a tharthawh leh hnu tuna SRS 5th Batch te hian March 20, 2017 aṭanga May 29, 2017 inkar chhungin ruihhlo chi hrang hrang Rs. 1,13,12,900 man hu ruihhlo an man tawh a ni.

Hrem phut
MPC party ṭhalaite chuan thuchhuah siamin, tun hnaia Forest department-a thawkte'n Dampa Tiger Reserve chhunga thing kita an zaitir chu hriatthiam harsa an tih thu an tarlang a, "A mawhphurtu chungah a phu tawk hremna pe ngei turin thuneitute kan phût," an ti.