MNYF-in AMC sorkar an fak

MNF party ṭhalaite chuan thuchhuah siamin, Aizawl Municipal Corpo-ration (AMC)-ah MNF kaihhruai sorkar ngêlnghet leh rintlak tak a ding mek chu ropui an tih thu an tarlang.

MNYF thuchhuah chuan, AMC hmalakna vanga India rama khawpui fai thlan zinga Aizawl a tel thei chu lawmawm an tih thu sawiin, "AMC vanga khawpui chhung hmun hrang hrang-a pedestrian over bridge awm tate hi chhuanawm kan ti a, hmasawnna tam tak kan hmu hi AMC sorkar hnathawh ṭhat zar a ni," an ti.

MNF ṭhalaite chuan, AMC-in hma a lak tawhna hrang hrangah mipuiin rinna leh thlawpna ṭha tak an pek ṭhin avang-in lawm-thu an sawi a; "Mayor ṭha leh Pathian ṭih mi, dikna ngaina kan nei hi ropui kan ti hle a, a enkawlna hnuaia khawpui inrelbawlna hi thlamuanthlak kan ti tak zet a ni," tiin, AMC hnathawhte endik leh venpui kawng-ah Aizawl mipuite chu ṭang-rual a, AMC hmalaknate chîk zawka zir chiang turin an sáwm a ni.