School Edn Officer-te training Board result-a inthlansiak ṭha ti lo

School Education directorate chuan nimin khan directorate conference hall-ah School Education department-a officer-te pualin training an buatsaih a, School Education director K Lal-thawmmawia'n a hmanpui.

K Lalthawmmawia chuan, zirna kalpui dan-ah Board result-a intlansiak ringawt a tâwk lo tih sawiin, "Kan value system siam dik a pawimawh. Division ṭha taka pass an tam a, chhawr tlak an tlem leh si a. College leh university-ah mahni paper pawh chiang lo an tam ṭhin a, School Education-a thawkte'n ṭan kan lak a ngai hle," a ti.

Training-ah hian School Education-a superintendant Lalmuankima'n Establishment and Service Matter chungchang a sawi a; deputy director Zoliani Hnamte-in zirna siamṭhatnaa hmalakna tur Shaala Siddhi chungchang sawiin, Mizoram University-a Department of Biotechnology-a mi Dr Rita Zomuanpuii'n 'RAA and Sensitization Programme on Children Science Congress' tih a sawi bawk.

Training-ah hian School Education department-a officer te, SSA leh RMSA hnuaia district hrang hrang-a officer-te an tel a ni.