KHAWTHLIR

Thisen pe
Thingsul Tlangnuam Branch YMA chuan YMA Day pualin nimin khan Aizawl Civil Hospital tan thisen unit 48 an pe. Thenzawl Field Veng Bial KṬP-te pawhin nimin khan Buangpui Middle School-ah blood donation camp an huaihawt a, mipa 22 leh hmeichhia pahnihte'n Synod Hospital tan thisen unit 24 an pe.

ARO-ah ruat
Election Commission of India (ECI) chuan kumina India President thlan turah Mizoram Legislative Assembly-a secretary Ngurthanzuala leh additional secretary SR Zokhuma te chu Assistant Returning Officer atan a ruat. Tun ṭum hi President thlan vawi 15-na a ni ang.