BCM Kohhranin sakramen atan Mizo siam an hmang ṭan dawn

Baptist Church of Mizoram (BCM) chuan Lalpa Zanriah Sakramen atan Champhai Grape Growers' Society (CGGS)-in wine an siam chhuahte June 10, Inrinni khan an lei ṭan.

Lalpa Zanriah Sakra­men atana CGGS-in grape wine an siam chhuah hmang tur hian BCM leh CGGS-te chuan November 11, 2016 khan inremna thuthlung an lo siam tawh a, inremna angin CGGS chuan sacramental wine tur bik an siamsak a ni.

CGGS-in sacramental wine a siamte chu June 10 khan CGGS aṭangin BCM-in an lei ṭan a, an lei hmasak berah hian ûm 1,000 an lei a, Champhai DC Vanlalngaihsaka'n a thlah liam a ni.