MZU-in Parting Social an hmang

Mizoram University Students' Council chuan June 9, Zirtawpni khan MZU Auditorium-ah zirlai chhuak turte thlahna, Parting Social an hmang. MZU vice chancellor Prof. Lianzela khuallian a ni a, Lengzem ediTor Vanneihtluanga'n fuihna thu a sawi.

Vanneihtluanga chuan, tunlaiah hna a váng tawh a, master degree zo mai tawh turte chu sorkar hna chauh beisei lo a, mahnia hna insiam chawp tum tur leh engpawh thawk hreh lo turin a chah.

MZU Parting Social-ah hian kum 2016-17 academic session chhunga zirlai thi Biakmawichuanga sûnna hun an hmang a, zirlai chhuanawm bikte hnenah lawmman sem a ni.

Student of the Year atan John Vanlalchhuanga, 4th. semester, Mizo department thlan a ni a, Class of the Year atan 4th. semester, Sociology department thlan an ni.