Mamitah Sabka Saath Sabka Vikaas Sammelan buatsaih

BSNL chuan nimin khan Mamit Chhimveng YMA Hall-ah sorkar laipui scheme hrang hrang puanzarna hun, 'Sabka Saath Sabka Vikaas Sammelan' an buatsaih a, Mamit DC Lalbiak-sangi'n a hmanpui.

Lalbiaksangi chuan, Sabka Saath Sabka Vikaas Sammelan chu sorkar laipuia sorkar mek kum thum tlin lawmna puala buatsaih a nih thu sawiin, "Sorkar laipui scheme hrang hrang puanzarna atana hman a ni," a ti a; sorkar laipuiin scheme 80 lai a kalpui tih a sawi.

Mamit DC chuan, an district chhunga khaw 87 chu páwn lama inthiar awm lohna, open defecation free (ODF)-ah October 2, 2017 hma ngeia puan hman tum a nih thu sawiin, "Department hrang hrangte'n an buaipui mek a ni," a ti a; Mamit khawpui chhung bik chu kumin April 18 khan ODF a puan a nih tawh thu leh, Silsury, Tuipuibari, Hnahva, Andarmanik leh Marpara-ahte mipui hriselna kawnga hmasawnna turin hmalak mek a nih thu a sawi bawk.

Inkhawmah hian sor-kar laipui schemes hrang hrangte thlirho nghal a ni.