Lungleia vantlang hmunte endik

Lunglei Road Protection Squad chuan nimin khan an leader PC Zonuntluangi, DLAO hoin Sethlun, Theiriat, Hrangchalkawn, Lungpuizawl leh Zobawk khaw chhung kawngpuite an endik. Vantlang tana hnawk leh kawngpui dâla in sakna bungraw dah leh kawngpui tichhe theia hna thawkte chu hun tiam pein senghawi turin an hriattir.

Inspection team hian in sa mek zinga sorkar aṭanga in sakna bungrua dah phalna la lote chu UDPA department hnenah phalna la tur te, kawngpui leh kawng sira lirthei chhia dahte chu hmun danga dah sawn tur te, lirthei dahna nei si, kawngpui síra dahte chu garage-a dah tur te, hmun chêp laia lirthei dahte chu dahna tur hmun dang dap turin an hriattir a; kea kalnaa kalna dâla in sakna bungrua leh thil dang dahte chu hmun danga dah turin an hriattir bawk.