END-in ganja leh heroin an man

Excise & Narcotics department (END) chuan nimin zing dar 6 khan Dapchhuah, Mamit district-ah ganja kg. 35.900 leh a neitua puh mi pali - Rammanlal Kaipeng (34), Chakmaghat, Tripura, Isor Kaipeng (31) Tuidu, Tripura, Isormani (42) Tuidu, Tripura leh Kaulasiak Kaipeng (36) Tuidu, Tripura-te an man.

END hian nimin vek chawhma dar 10 khan Dapchhuahah tho heroin kg. 2.85 (hawng 156) leh a neitua puh mi panga an man. A neitute chu Tripura mi pathum - Prasenjit Das (27) Bhola Murg, Sepahijala, Biswajit Debnath (29) Shiv Nagar, Sepahijala leh Jayanta Das (26) Sepahijala, Agartala te, Haijal Ahmed (33) Patharkandi, Karimganj leh Abdul Muktadir (35) Patharkandi, Karimganj, Assam-te an ni.

END enforcement-te chuan July 27, Nilaini tlai dar 6:20 pawh khan Bawngkawn Brigade road-ah heroin gram 154 (hawng 12) leh a neitua puh - Ngurthanzuali (46) d/o Bualchungnunga (L), Bawngkawn Brigade Road leh Lalṭhakimi (36) d/o Kaikhuma (L), Sunhluchhip, Chaltlanga khawsa mek nia inchhálte an man bawk.