NSS-te tan training buatsaih

Ministry of Youth Affairs & Sports, NSS Regional Direc­torate, Guwahati leh Mizoram State NSS Cell buatsaihin Thawh­ṭanni aṭang khan Zirtiri Residential Science College-ah National Service Scheme (NSS)-te tan life skill, leadership and personality development training ṭan a ni a, parliamentary secretary (Sports & Youth Services) Hmingdailova Khiangte-in a hawng.

Hmingdailova Khiangte chuan, zirlaite chu an chhung­kua leh ram innghahna an la nih dawn avangin kawng tinrenga puitlin zir tur leh hruaitu ṭha nih zir turin a chah a, "Hruaitu ṭha chuan hmathlir ṭha leh tum bulfûk neiin a hote a hruai a, an thil tum tihlawhtling turin a hote tihphûr dan a thiam ṭhin," a ti.

Life skills, leadership and personality development training-ah hian Zirtiri Resi­dential Science College, Modern English HSS, Mamawii HSS, Helen Lowry HSS, Public HSS, Republic HSS, Phullen HSS leh Serchhip HSS aṭangin zirlai 10 ṭheuh an tel.

Ni nga awh tur training atan hian Ministry of Youth Affairs & Sports, NSS Regional Directorate, Guwahati-a regio­nal director Sunil Kr. Basuma­tary bakah trainer pathum dang Guwahati aṭangin an tel a ni.