CYMA-in bawng talh khap duh lo

Central YMA chuan thuchhuah siamin, sorkar laipuia Environment & Forest and Climate Change ministry-in May 23, 2017-a bawng talh, bawng sa ei leh sumdawn nana hman khapna dan, Prevention of Cruelty to Animal (Regulation of Livestock Market Rules 2017) a chhuah chu a duh loh thu an tarlang.

CYMA chuan, bawng talh leh a sa ei khapna thupek chu Mizoramah hman ve an duh loh thu sawiin, thupek chu hnam tênaute palzûtnaa an ngaih thu an sawi a, "Mizo hnam ziarâng nena inzawm tlat, hunpuiah pawh ruai buatsaihna atana hman tlánglàwn, bawng sa khap a nih chuan, Mizo hnam ziaráng leh nunphung, ei leh in a khawih danglam dawn avangin, a ṭul anga ngaihtuah nawna siam ṭha leh turin sorkar laipui kan phût tlat a ni," an ti.

India ram chu sakhaw tih bik nei lo ram ropui tak a nih thu sawiin CYMA chuan, "Sakhaw mal lak vung duh vanga sakhaw dang zalenna rah­beh hi kan remti lo a, Constitution of India-in zalenna min pek anga zalen taka khawsak theih kan duh a, kan ei leh in tura dan hmanga inkhapbeh tumna sorkar laipuiin a siam ta mai hi kan pawm thei lo," an ti a; Mizo mipui chu a ṭul chuan a tawp thlenga ṭangrual turin an ngen a ni.