MZP-in Rajnath-a hnenah memorandum thehlut

Mizo Zirlai Pawl (MZP) hruaitute chuan, Mizorama Chakma-te chungchangah June 12, Thawhṭanni zan khan Union Home minister Rajnath Singh an hmu a, memorandum an thehlut.

MZP thuchhuah chuan, Rajnath Singh hnenah hian, Mizoramah dan loa awm Chakma an pun chak thu te, Mizorama Chakma pun chak dan chu chi inthlahpun vanga pung chak an nih loh thu leh Bangladesh aṭanga dan loa pém lut vanga pung chak an nih thute an thrilh a; dan loa pém lutte chu dan anga hawtir an nih theih nana hma la turin an ngen tih a tarlang.

Kum 2014-a Lok Sabha inthlan dawna Narendra Modi-a'n a campaign laia Assam a tlawh ṭum a, Bangladesh aṭanga dan loa India rama pém lutte hnawhchhuah an nih tur thu a sawi thu a sawi thu tarlangin, India hmar-chhak state-te chu Bangladesh aṭanga dan loa pem lutte vanga harsatna tawk nasa an nih thu leh Mizoram pawh a tuar nasa ber state a nih thu an thlen a ni.

Mizorama Chakma-te chu Mizoram tan harsatna lian an tlin thu te, Mizoram mi an nih loh thu te, history en pawhin tualchhung mi (indigenous) an nih ngai loh thu te, British hun laiin foreigner khuahkhirhna dan siamah pawh foreigner anga dah an nih thute an memorandum-ah chuan an ziak bawk.