Model village atan Tlungvel puang

Rajya Sabha MP Ronald Sapa Tlau chuan,Thawhṭanni khan Tlungvel khua chu a model village atan a thlan thu a puang a, he mi pual hian Tlungvel Venghlun YMA Hall-ah inkhawm buatsaih a ni.

Ronald Sapa Tlau chuan, Mizoram khaw 800 chuang zinga model village atana a thlan Tlungvel khua chu model village an nih ang ngeia khaw dang-te tana entawn tlak ni tura an thawhrim bik a ngaih thu a sawi a, "Sorkar duhsakna chiah beisei lo a, rim taka thawk chunga sorkar hmalaknate an thlawp zel chuan hlawhtlinna lian zawk an hmuh zel ka ring," a ti.

Ṭanpui tlaklohte ṭanpui chu hun, sum leh tha khawhralna mai a nih thu a sawi a, "SAGY thiltum tih hlawh-tlin nan pawh ṭanpuina petu sorkar ai mahin tanpuina dawngtu leh Tlungvel mipui te an pawimawh zawk dawn a ni," a ti a, Tlungvel khaw mipuite chuan model village chu khaw entawntlak tihna a ni tih an hriat reng a beisei thu a sawi .

Inkhawm hi DRDA project director V Lalengmawia'n a kaihruai a, model village kalphung tur a lem nen a sawifiah a ni.