MIZOFED-in inkhawmpui an hmang

Mizoram State Cooperative Marketing and Consumers Federation Ltd. (MIZOFED) chuan, nimin khan Annual General Assembly an hmang a, parliamentary secretary (Supply) TT Zothansanga'n a hmanpui.

TT Zothansanga chuan, MIZOFED-in hmarchhak biala petrol hralh chhuak tam ber chawimawina an dawng chu lawmawm a tih thu sawiin, Mizorama tuialh-thei hralh chhuah aṭanga 60% chu MIZOFED hnuaia mi a nih thu a sawi.

MIZOFED hian Mizoramah tuialhthei zawrhna - Aizawl, Lung-lei, Kolasib, Champhai, Vairengte, Lawngtlai leh Hnahthial ah an nei a; ei rawngbawlna gas semna pawh Aizawl, Champhai, Kolasib, Serchhip, Mamit leh Siaha-ah a nei a ni.

Tuialhthei leh gas zawrhna bakah hian ni tin khawsakna mamawh zawrh-na dawr pawh - Bawngkawn, New Market, Treasury Square, Tuikual leh Lungleiah an nei bawk.

An dawr hrang hrang aṭang hian sorkar kum liam ta, 2016-17 chhung khan Rs. 1,39,02,236 an hlêp. MIZOFED-ah hian thawktu a nghet 85, contract 11 leh muster roll 48 an awm.