National award pathum dil theih a ni

Mizoram sorkar chuan thuchhuah siamin, Ministry of Women and Child Welfare hnuaiah national award hrang hrang dil theih a nih thu a tarlang.

Award dil duh tan Social Welfare directorate, district tina DC pisa, ICDS pisa hrang hrang leh BDO pisaahte zawhfiah theih a ni a; dilna chu June 25, 2017 aia tlai loah Social Welfare directorate, Aizawlah thehluh hman vek tur a ni.

Award dil theihte

National Award for Child Welfare, 2016

Mimal/pawl anga kum eng emaw zat naupangte hamṭhatna atana hriat hlawh khawpa thawk tawh ṭhinte tan dil theih a ni. Mimal pathum leh pawl panga thlan chhuahte hnenah award hi pek a ni dawn a; lawmman chu Rs. 3,00,000 leh thuchei a ni.

Rajiv Gandhi Manav Sena Award, 2017

Mimal anga kum 10 aia rei naupangte hmasawnna (child development), naupangte venhimna (child protection) leh naupangte hamṭhatna (child welfare) atana hriat hlawh khawpa thawk tawh ṭhinte tan dil theih a ni a, mi pathum pek an ni ang. Lawmman chu Rs. 1,00,000 leh thuchei a ni.

National Child Award for Exceptional Achievement Award, 2017

Naupang kum 5-18 inkar, zirna lama hlawh-tlinna, thil thar hmuh chhuah (chîn chhuah), vantlang tana hnathawh, infiamna, art, culture leh a dangtea hlawhtlinna leh theihna bik chhuanawm neite tan dil theih a ni. Gold medal pakhat leh silver medal 35 a awm a, state tin tan pakhat ṭheuh pek a ni ang. Gold medal-in Rs. 20,000, lehkhabu Rs. 10,000 hû, certificate leh thuchei a keng a; silver medal-in Rs. 10,000, lehkhabu Rs. 3,000 hû, certificate leh thuchei a keng thung.