KHAWTHLIR

Blood Donor Day
Vawiin, June 14 hi World Blood Donor Day a ni a, Aizawl leh district hrang hrangah hman a ni ang a, pawl hminga thisen pe tamte chawimawina hun hman a ni ang. Aizawlah chuan MSACS leh Association for Voluntary Blood Donation huaihawtin Chanmari YMA Hall-ah hman a ni dawn a, Health minister Lal Thanzara khuallian a ni ang. World Blood Donor Day hi World Health Organisation-in day a puan pariat zinga mi a ni a, kum 2004-ah hman ṭan a ni.

Rs. 500 note
Reserve Bank of India (RBI) chuan nimin khan Rs. 500 note batch thar a tichhuak. Hetihlai hian note hlui, E series pawh hman chhunzawm theih zel a ni.Rs. 500 banknote thar hi inset letter A chu number panel pahnihah dah a ni a, RBI govenror R Patel-a signature leh a print kum 2017-te a dah a ni. Pawisa note thar design hi a hmaa mi, Mahatma Gandhi (New) Series nen a inang a ni.

B+ grade pe
National Assessment and Accreditation (NAAC) chuan Aizawl West College chu tun hnaia an endik hnuah B+ grade (2.57 CGPA) an pe. Aizawl West College hi NAAC hian kum 2004, 2010 leh 2017-ahte an endik tawh a ni.

Tawrhpui
ZNP chuan thuchhuah siamin, leimin, chenna in chim, tuilian leh a dangte vanga vanduaina tâwkte thinlung taka an tawrhpui thu sawiin, "Fûrpui a thlen mek avangin mi tinte fimkhur zual zel tur leh, vanduaina lo thleng mek hi hun lo kal zel tura inzirna hmanrua a nih theihna turin hman ṭangkai tum ila," an ti.

Lok Adalat
Kolasib Lok Adalat chu tun hnai khan Kolasib District Court-ah an ṭhu a, thubuai 40 ngaihtuah­in pathum an chingfel. Thubuai tam ber chu leiba inṭhinna a ni a, thubuai dang chu ram inchuh leh inpuh hming-chhiatnate a ni. Leiba ṭhinna aṭangin Rs. 54,300 hmuh chhuah a ni.