Hmun hrang hrangah YMA Day hmang dawn

Vawiin hi YMA din champha, YMA day vawi 83-na a ni a, Mizoram hmun hrang hrangah uar taka hman a ni dawn a, Central YMA hruaitute'n branch hrang hrangah an hmanpui ang.

YMA Day hi branch hrang hrangte chuan intihhlimna atan te, veng chhung tihfaina atan te, ṭanpui ngaite ṭan­puina atante an hmang dawn a; branch ṭhen­khat chuan inkhawm an buatsaih dawn a, zan lama intihhlimna leh infuihtharna hun hmangte pawh an awm ṭhin. Central YMA chuan YMA Day pual hian hmun hrang hrangah ṭanpuina Rs. 1,80,000 an sem chhuak a ni.

Central YMA presi­dent Lalbiakzuala chuan YMA Day hi Khatla, Lengpui leh Hunthar branch-ahte a hmanpui dawn a; general secretary Lalhmachhuana'n Chal­tlang North, Bawngkawn South leh Reiek branch-ahte a hmanpui ang.