Rajnath-a'n AR hmun a tlawh

Mizoram tlawha zin Union Home minister Rajnath Singh chuan June 13, Thawhlehni khan Assam Rifles headquarters a tlawh a, AR sipai bángte pual rally, Sainik Sammelan a hmanpui.

Rajnath Singh chuan, AR-te'n India leh Myanmar ramri venhim kawnga an thawh ṭhat avangin lawmthu hrilhin, ram chhung mipui nena inlaichinna ṭha an siam ṭhin chu chhunzawm zel turin a fuih a; Myanmar aṭanga raltlan mi 300 chuang thawn lêt an ni chu lawmawm a tih thu a sawi.