Minister-in chhiatna thleng a enfiah

Minister Zodintluanga chuan nimin khan ruahsur nasa vanga June 13, Thawhlehnia a bial, Thorang bial chhunga chhiatna thlengte a hmun-ah a enfiah.

Zodintluanga hian Phairuangkai khua a enfiah hmasa ber a; thil thleng chu pawi a tih thu leh chhiat tâwk chhungte a tawrhpui thu sawiin, sorkarin dan a neih hmangin a ṭul anga chhawmdawlna a pek tur thu a sawi. Phairuangkai branch YMA hnenah mamawha hman turin Rs. 30,000 a pe nghal a ni.

Phairuangkaiah hian leimin vangin in pahnih a chim. Nila Moni in chu kopang minin a hnawl a, a tunu ruang leh a menpuitu mi parukte a hnâwl. Leimin-in a hnawl zinga mi pathum chu an thia hriat a ni.

Thorang bial tho - Lungsen, Chhumkhum, Hauruang, Rangte, Pachang, Belthei, Undermanik, Putlungasih leh Kauchhuah aṭangtein ruang zawng turin mi ṭhahnem tak an thawk chhuak a ni.

Mi dang pathum hliamte chu Lunglei Civil Hospital-ah admit an ni. In pakhat zawk, C Taia (L) in aṭangin bungrua tlem an thiar chhuak hman a, mitthi leh hliam an awm lo.

Zodintluanga hian kawng a tlang chuan Bolia, Zawlpui leh Changpui te tlawh a tum bawk.