Serchhipah ODF endik dan tur rêl

Serchhip District Water and Sanitation Missions hnuaia an district chhung endiktu tur Verification Team chu nimin khan Serchhip SDO (Sadar) R Vanrengpuia hoin an ṭhu a; Serchhip district chhunga inthiarna awm dante khaw hrang hranga endik dan tur an rêl.

Swachh Bharat Missions (Gramin) hnuaiah Serchhip district-a Serchhip RD Block leh East Lungdar RD Block chu páwn lama inthiar awm lohna, open defecation free (ODF)-ah an inpuang tawh a; hei vang hian RD block pahnihte hi verifi-cation team chuan an endik dawn a ni.

Verification Team hian RD block pahnih chhunga khaw panga ve ve thlangin, a hmunah an endik an rel a ni.