Vanlalzawma'n oxygen bûr a sem

MLA Vanlalzawma, MNF treasurer chuan nimin khan a bial, Aizawl West-III chhunga YMA branch pali - Mission Veng-thlang, Khatla, Bungkawn leh Maubawk branch-te hnenah oxygen concentrator, Rs. 2,50,000 hû a sem. Oxygen bûr hi MLA fund aṭanga lei a ni.

Oxygen concentrator semna inkhawm hi Bungkawn YMA Inah neih a ni a; Vanlalzawma chuan, veng tinah damlo leh thawhah vanga harsatna tâwkte leh veng chhung mi mai ni lo, mikhual harsatna tâwkte thlengin YMA-in an buaipui ṭhin tih sawiin, "Harsatna tâwkte ṭanpui nan YMA kutah oxygen bûr pek a ni," a ti.

Vanlalzawma chuan, tunlaia Mizoram hmun hrang hranga chhiatna tâwkte leh nunna hial chán chhungte chu MNF party-in thinlung taka an tawrhpui thu a sawi bawk.