Thingtlang hma-sawnna tur sawiho

Rural Development departmnet-a officer-te leh RD Block hrang hranga block development officer (BDO)-te chu nimin khan RD directorate conference hall-ah an ṭhukhawm a; thingtlang lam hmasawnna tura ṭan lak dan turte an sawiho.

Meeting hi RD minister R Lal-zirliana ruahmanna anga neih a ni a; meeting-in a tum ber chu - thingtlang lam hmasawnna tura thawk BDO-te'n chak zawk, ṭha zawk leh langtlang zawka hna an thawh theih dan tur leh harsatna an neihte sutkian dan tur sawiho a ni.

Chak zawka hna an thawh theih nan thawktu indaih lohna phuhrûk dan tur te, office leh quarters indaih lohna te, office leh quarters thawm ṭhatna te, lirtheia harsatna leh mamawh dangte chipchiar takin an sawiho a ni.

Meeting hi district wise-a koh a ni a, niminah chuan Mamit leh Champhai district-a BDO-te an tel. June 12 khan Siaha leh Lawngtlai district-a BDO-te koh an ni tawh a, June 16 leh 19-ah Lunglei, Serchhip, Aizawl leh Kolasib district-a BDO-te koh khawm leh a ni ang.