PMAY in sak ṭanpuina inhrilhfiah

Urban Development & Poverty Alleviation (UDPA) department chuan July 28, Ningani khan Pradhan Mantri Awas Yojana (Urban) - Housing for All hnuaia Aizawl DPR pahnihna aṭanga in sak ṭanpuina dawng tur mi 1,308 tan Aizawla hmun pathumah sensitization programme an buatsaih a, ṭanpuina dawngtu mi 1,252 an tel.

Aizawl Second DPR-ah hian ṭanpuina dawng tur mi 4,867 an awm a; sensitization programme-ah hian PMAY kalphung, sum pek chhuah dan, in sak dan tur leh in sak thlalak dante hrilhfiah ni a ni; grant-in-aid letter intiamkamna lehkha pek an ni bawk.

Intiamkamna lehkha hi local council hriatpuinaa hming ziah hnuah August 2, 2022 ral hmain UDPA department-ah thehluh tur a ni a; chumi hnuah ṭanpuina dawng turte bank account-ah ṭanpuina first instalment Rs 60,000 thun a ni ang.