Hmar tlangdung kawng dang dawn

Khawruhlian All NGO Coordination Committee chuan an khaw paltlangtu NH-150 kawngpui laihnaa leiminin kawng a tihpinte an hun tiam chhunga tihtlang a nih loh avangin vawiin zing dar 5 aṭangin Mizoram hmar lam tlangdung panna kawngpui an dang dawn.

Khawruhlian NGO-te tarlan danin, NH-150 kawngpui Khawruhlian khaw hnuaia laih chu a min avangin NH-150 kawngpui a ping a, kawngpui chhuahna lamah August 2, 2021 khan leiminin kawng a tiping bawk. Hengte avang hian July 7, 2022 aṭang khan tun thlengin mipui ni tin mamawh (supply) phur lirthei a lut thei tawh lo a ni.

Khawruhlian All NGO chuan kawng thawm ṭhat hna thawk turin July 12, 2022 khan sorkarah an thlen a, ni 24 a liam hnuah pawh kawng sial tlang a la nih loh avang leh, All NGO Committee-in hun tiam an siam (July 2022) a ral tâk avangin vawiin aṭang hian tiam chin awm loin kawngpui an dang dawn ta a ni.

An harsatna tawhte hriat-thiampui turin Khawruhlian All NGO Coordination Committee chuan Mizoram mipui an ngen a ni.