Minister in hall sak mek a tlawh

Minister of state TJ Lalnuntluanga chuan July 30, Inrinni khan Champhai district chhung Tuipui khuaa boxing hall sak mek a tlawh a, ṭhalaite'n ṭangkai taka an hman a beisei thu sawiin, neitu rilru púa thawk turin thawktute a chah.

TJ Lalnuntluanga chuan Mizoram sorkar hmalakna-a Tuipui khuaa boxing hall changtlung tak nei tura hna bul ṭan a ni ta chu lawmawm a tih thu sawiin, "Mizoram sorkar chuan ṭhalai infiammite hmakhua ngaiin theihtawp a chhuah zel dawn a ni," a ti.

Boxing hall hi Shyama Prasad Mukherjee Rurban Mission aṭanga hmuh cheng nuai 40 leh MLA fund cheng nuai 10 hmanga sak a ni.