KHAWTHLIR

Thisen pe
July 30, Inrinni khan ṬKP, Aizawl East Bial chuan BCM, Chanmari kohhran hall-ah thisen pek an huaihawt a, Civil Hospital, Aizawl tan thisen unit 97 an pe a, petute mipa 84 leh hmeichhia 13 an ni. Inrinni vêk khan KṬP, Tuikual Branch-in an kohhran hall-ah Synod Hospital tan thisen unit 44 an pe a, petute mipa 38 leh hmeichhia paruk an ni a; KṬP, Serchhip Bazar Branch member mipa pakua leh hmeichhia pahnihte'n Serchhip District Hospital tan unit 11 an pe bawk.

Kawlphetha Kûtpui
Prime minister Narendar Modi hoin July 30, Inrinni khan Kawlphetha Kûtpui, Ujjwal Bharat, Ujjwal Bhavishya, Power @2047 hman a ni a, Mamit DC conference hall aṭangin bawrhsap Lalnunhlua hoin video conferencing kaltlangin chhim a ni. Prime Minister hian Revamped Distribution Sector Scheme, National Solar Rooftop Portal leh Green Energy projects of NTPC-te a tlangzarh nghal.