Tun hnaia lirnghing nat zawng

July thla ni 27 leh ni 29 khan Mizoram khawchhak lam, Champhai district-ah lìr a nghîng a, a nat loh avangin thil tihchhiat a neih hriat a ni lo.

Pachhunga University College (PUC)-a Geology department tarlan danin, July 27, 2022-a lirnghing chu magnitude 3.6-a ná a ni a, July 29-a lirnghing chu magnitude 3.4 a ni thung. Lirnghingte hi a inṭanna (epicentre) chu Champhai district chhungah ve ve a ni.

Lirnghing nat zawng hre tur hian Aizawl, Lunglei leh Khawbungahte Broadband Seismic Station dah a ni a, PUC Geology department, Mizoram sorkara Disaster Management and Rehabilitation department leh Northeast Institute of Science and Technology (NEIST), Jorhat, Assam-te'n an enkawl a ni.