Rûl chi thar hmu chhuak

Mizoram University-a Department of Zoology-a assistant professor Dr HT Lalremsanga leh a thawhpuite - Vanlalhrima, Biodiversity and Nature Conservation Network (BIOCONE) leh Ger­man herpetologist Ger­not Vogel te chuan Mizo­ramah rûl chi thar (new species) an hmu chhuak a; a hmingah Hmuifang hming chawiin Blythia Hmuifang tih an phuah.

Mizoramah hian Blythia genus chi rûlah species pakhat chiah, Blythia reticulata a awm ṭhina hriat a ni a; tuna an hmuhchhuah hi tun hmain Mizoramah a awm tih leh hmuh a nih hriat a la nih ngai loh bakah, khawvel hmun dangah hmuh tur a awm lo niin an sawi.

Rûl chi thar an hmuh chhuah hi tê tak tê a ni a, túr nei lo chi (non-veno­mous) a ni. Rûl chi thar hmuh chhuah hi June 14, Nilaini khan international scientific journal, Zootaxa-ah tih­chhuah (publish) a ni.