Serchhip PED-ah digital awareness

Presbyterian English School, Serchhipah June 14, Nilaini khan digital awareness leh sikul website www.pesserchhip.in hawnna hun hman a ni a; Serchhip ASO leh e-District nodal officer Vabeimozachhi Chozah-in a hmanpui.

Digital awareness-ah hian Denghlira, e-District manager-in digital hmanrua (device) hrang hrang pawimawhna leh Aadhaar card, online payment system leh e-governance kalphungte a sawifiah a; Serchhipa SBI-a thawk CMS Dawngliana'n bank account neih pawimawhna leh account vawn dante a sawi thung.

Digital awareness-ah hian PES, Serchhipah hian e-District kaltlangin sikul naupang Aadhaar card la nei lo leh siamṭhat ngaite tihsak nghal a ni.

PES, Serchhip hi kum 1995-a din a ni a, KG aṭanga pawl 10 thleng zirna awmin, zirlai 774 an nei mek a ni.