Himpuia'n chhiatna thlenna a tlawh

Parliamentary secretary Joseph Lalhimpuia chuan nimin zing khan a bial chhung, Zobawka leimin vanga chhiatna thlenna hmunte a tlawh. Zobawkah hian field chhak ko min vangin chhungkaw pali chu an in luah zui thei loin thiar chhuah an ni.

Joseph Lalhimpuia chuan, chhiat tâwkte thlamuanin, "Khawtlang hruaitute’n ruahman-na lo siam se, an in leh lo din thar dan tur sorkar aṭanga ṭanpuina awm thei angte ka ngaihtuahpui ang," a ti a; chhiat tâwk chhungkua-te hnenah an mamawh zualpui phuhrûkna atan Rs. 10,000 ṭheuh a pe a ni.

Zobawk khaw chhung hmun danga tun hnaia ruahsur nasain a tihchhiatte pawh Joseph Lalhimpuia hian a tlawh nghal a; khawtlang hruaitute chu sorkar hotute nen lo indawr a, theihtawpa bawhzuisak a tum thu a hrilh.

Parliamentary Secretary hian Lunglei Salem Venga ruah leh thli vanga ṭhiah ngai Sangdawngi te in a tlawh a, in ṭhiata hnatlang Salem Veng YMA hnenah ei leh in senso atan Rs. 2,000 a pe a ni.