PHE Minister-in hmalak dan tur sawipui

PHE minister Zodin-tluanga chuan nimin khan Lunglei district-a PHE department officer-te Circuit House, Lungleiah a kâwm a; tun hnaia chhiat-na thleng chungchanga hmalak dan tur a sawipui.

Zodintluanga chuan, PHE officer-te chu tui sem kawngah fimkhur turin a chah a, "Mipui-te a tuartu an nih ang-in, department pawh a hmingchhe hma ṭhin," a ti a; hna thawk ṭha lo leh awm ṭha duh lote chu dan hmangin, a ṭul anga an chunga hma la turin a hriattir a ni.

Tun hnaia lei min leh tuilianin Lunglei district khaw hrang hranga tui pekna a tihchhiat dan sawiho a ni a; PHE Minister chuan, "Mahni bial chhung ṭheuha chhiatna report-te chu thuneitu sang zawkah a rang lama thehluh ni se. Ram pum dinhmun zir chianga hmalak dan tur rel ṭhat a ni ang," a ti.

Meeting-a tarlan dan-in, Greater Lunglei Water Supply Scheme tichang-tlung turin NEDP hnuai-ah common header thlak hna kalpui mek a ni a, hna zawh a nih hunah chuan tui pump khawl pahnih hmangin Lung-lei khawpui hniang-hnâr zawka châwm theih a ni ang.