Bill do dan tur sawiho

Twipra Students Federation(TSF), Tripura hruaitute chu Inrinni khan MZP pisaah an lêng a, 'The Citizenship Amendment Bill 2016' doho dan tur an sawipui.

MZP president Lalsangzuala Ngente chuan, Mizoram chhunga Tripuri bakah, hnam dang lehkha zir leh hna thawka dan ang taka awmte chu him tak an awm an duh thu a sawi a, "Harsatna an neih chuan MZP-ah thlen a, lo tlu lut hreh lo turin ka ngen duh a ni," a ti.

TSF adviser Upendra Debberma chuan, The Citizenship (Ammendment) Bill, 2016 chu state pahnih tan a him loh thu sawiin, "He dan hi hman a nih lohna atan sorkar laipuiah nawr a ngai," a ti a; chuta tan chuan MZP-te chu thawhpuiah a sáwm.

TSF hruaitute hian an state aṭanga Mizorama lehkha zir a awmte an kâwm kual nghal dawn a ni.