Balu ṭha hmang turin ti

MZP headquarters, Thenzawl chuan June 17, Inrinni khan Thenzawl khaw rama Horticulture Collge tur sak mek leh Thenzawl Auditorium tur sak mekte a hmunah an enfiah. Auditorium sak meka balu hman chu ṭha tawk loa an hriat avangin balu ṭha hmang tur leh cement pawh hman tura tih ngei hmang turin hna thawktute an hrilh.

Thenzawl Auditorium sakna atana sum ruahman chu Rs. 4,23,57,217 a ni a; May 9, 2016-a sak ṭan niin, November 9, 2017-a zawh tura tih a ni.

MZP hruaitute chuan, a sakna atana balu an hman chu a ṭha tawk lo ngeia an hriat avangin, hman tura an lo chhawp tawh chu hmang lo tur leh, cement hman tura tih ni lo an hman pawh cement ṭha ngei hmang turin a enkawltu engineer an sawipui a ni.

Thenzawl MZP chuan, hna thawktu an tlem avangin thawktu tam zawk chhawr tur te, chak zawk hna thawh a nih theih nan contractor-in tlawh ngun se an duh thute an tarlang a; hna a muan avangin tuna thawh chin chu thawh tur aṭangin 10% vel chauh nia an ngaih thu an sawi bawk.