Kumin July thla chhungin END-in Rakzu lt. 7,130 leh heroin kg.3.720 man

Excise & Narcotics department (END) chuan thla liam ta July 2022 chhung khan rakzu litre 7,130 leh heroin kg. 3.720 an man a, ruihhlo kaihhnawihah mi 504 an man.

END thuchhuah tarlan danin, END enforcement-te chuan July thla chhung khan rakzu litre 7,130.150 bakah, zu bilh lai ṭín 15,066 leh zu siamna bungbel 227 an man a; sapzu (IMFL) ûm puitling (ml. 750) 1,850, a chanve ûm (ml. 375) 27 leh pava khat (ml. 180) ûm 18 an man bawk.

July thla chhung vêkin END enforcement-te chuan heroin (no. 4) kg. 3 leh gram 720, ganja kg. 49.086, beer ûm/búr 3,974 leh ruihhlo dang eng emaw zat an man a; ruihhlo kaihhnawihah mi 504 leh lirthei 10 an man bawk a ni.

END chuan, Mizorama zu, ruihhlo leh a kaihhnawih man a nih theihna atana dan kengkawhtute ṭawiawmtu pawl hrang hrang chungah an lawm thu an tarlang.