PAMRA lungphun CM-in a hawng

Remna Rûn làwi ni champha vawi 36-na leh inremna avanga MNF kîrte hriatrengna hming ziahna lungphun, Luangmuala Peace Accord MNF Returnees Association (PAMRA)-in an siam chu nimin khan chief minister Zoramthanga'n a hawng.

Chief Minister chuan, remna thuthlung ziah avanga ramhnuai aṭanga hawte an luhna champhaa ṭhangtharte'n anmahni an hriat rengna atana lungphun siam a ni chu lawmawm a tih thu a sawi a, "Mizoramin remna a neih theih nana kawng hrang hranga theihtawp chhuaha hmalaknate a hlawhtlinna hmuh tak, vawiin thlenga remna leh muanna kan neih phah taka hi vawnhim zel a pawimawh," a ti.