Ruihhlo do dan tur sawiho

Kolasib District Committee on Narco Coordination Centre (NCORD) chu bawrhsap John LT Sanga kaihhruaiin August 1, Thawhṭanni khan an ṭhukhawm a; ruih theih thil tihtlem dan tur leh dap chhuah hna sâwt zawka kalpui dan tur an sawiho.

Ṭhutkhawma tar­lan danin, Kolasib district-a ruihhlo vanga buai enkawlna hmun de-addiction & rehabilitation centre-a hmalak dante thlirho a ni a; damdawi hman sualna vanga enkawl mi 273 leh zu vanga enkawl mi 146 an awm mek thu tarlan a ni.

Excise & Narcotics deptt. tarlan danin, kumin January-July chhungin sapzu úm puitling 3,137, rakzu litre 759.82, beer búr 1,304, heroin gram 113.87, methamphetamine kg. 12.8 leh ruihhlo dang eng emaw zat man a ni a; MLP Act 2019 hnuaiah thubuai 1,009 ziah luh a ni bawk.