Mamit MZP-in DIET-ah Lecturer dah belh phût

MZP Headquarters, Mamit chuan thuchhuah siamin, tun hnaia DIET, Mamita thawktu eng emaw zat sawn chhuah an ni chu an hriatthiam loh thu an tarlang a, lecturer dah belh turin Mizoram sorkar an ngen.

Mamit MZP tarlan danin, Mamit DIET-ah lecturer 15 awm tur niin, an zinga pali chu hmun dang aṭanga dah lailâwk (attach) an ni. Chutih laiin, pathum chu Mamit aṭangin Aizawl DIET-ah dah an ni a, pakhat chu SCERT-ah dah a ni bawk a; tun dinhmunah lecturer 11 an awm a ni.

Sorkarin tun hnaiah transfer and posting order a tichhuak tih sawiin Mamit MZP chuan, "Mamit DIET aṭangin lecturer pakhat chu thlaktu awm loin transfer a ni a, Mamit DIET-ah lecturer 10 chiah an awm tawh a ni," an ti.

Mamit MZP chuan, Mamit DIET-a lecturer post hnawhkhah lohte chu hnawhkhat thuai tur leh hmun danga dah mek lecturer panga zinga pahnih tal Mamitah dah turin sorkar an phût a, "An aiawh dah a nih dawn loh chuan sorkar hian transfer order hi sût leh nghal vek se kan duh a, order sût a nih loh chuan MZP-in hma kan la dawn a ni," tiin an tarlang.